TUUFUNGE MWAKA NA KUANZA MWAKA KWA KUJIHADHARI NA UHALIFU MTANDAO

 

Mwaka 2014 Umekua wenye changamoto nyingi sana kwenye upande wa mitandao ambapo wahalifu mtandao walifanikiwa kwa kiasi kikubwa sana kuitikisa anga ya usalama mitandao duniani kote ambapo walifikia kutamba kuwa wameshinda mapambano na wanausalama mitandao.

Kubwa zaidi ni uelewa mdogo wa watumiaji mtandao juu ya kujiweka salama kimtandao iliyoambatana na wana usalama mitandao kuwa wachache sana katika ngazi ya kidunia huku baadhi ya mataifa kutotoa kipaumbele katika maswala ya usalama mitandao.

Aidha, Mengi katika jitihada yameweza kufikiwa ikiwa ni pamoja na Kikao cha funga mwaka cha tathmini ya hali ilivyokuwa kwa mwaka 2014 ambapo iliweza kutabiri hali ya uhalifu mwaka 2015 na kuweka mikakati ya dhati ya kukabiliana na hali hiyo kwa mwaka 2015 inayotegemewa kuwa na matokeo chanya. Kwenye hili unaweza kulisoma kwenye  “TAARIFA FUPI INAYOSOMEKA HAPA"

Wamarekani nao kupitia “US department of Justice” wameamua kuazisha kitengo maalum kitakachotoa msaada kwa mataifa yote duniani katika upande wa maswala ya usalama mitandao ikisisitiza itaangazia zaidi katika kuzuia matatizo kabla hayajatokea.

Tanzania nayo haikubaki nyumba kwenye hili, Tumeshuhudia warsha, semina, kongamano na mikutano mingine yenye malengo thabiti ya kukuza na kuongezea uwezo wa uelewa wa matumizi salama ya mitandao paoja kukuza uwezo wa kukabiliana na hali ya uhalifu mtandao nchini.

Sheria za usalama mitandao zimeweza kupaziwa sauti na kutoa matumaini makubwa kwa mwaka ujao, Huku vyombo vya habari kuw na jitihada ya dhati katika kampeni ya kutoa elimu na kuhabarisha jamii kuhusiana na janga la uhalifu mtandao linaloweza kuleta athari zaidi kwa taifa.

Nikumbushe tu, Uhalifu Mtandao umeendelea kuja kwa kasi ya juu na njia ambazo watanzania wengi wameweza kuwa waathirika. Kubwa nililoliona ambalo kueleke mwisho wa mwaka limeweza kukamata kasi ni pamoja na uhalifu aina ya “Phishing kama unavyo onekana kwenye picha nilizo tumiwa na baadhi ya raia wema ambapo wengi wameendelea kuathiriwa na uhalifu huu wa kimtandao.

Umakini zaidi unahitajika na tumalize mwaka kwa kuwa salama kimtandao.
Na:Yusuph Kileo

SEMINA YA USALAMA KATIKA MITANDAO YAFANYIKA DIT

Mtaalaam wa Masuala ya Usalama kwenye Mitandao Yusuph Kileo akitoa mada

Mshiriki akiuliza swali

Mshiriki wa Semina akiwa ameshikilia zawadi yake baada ya kujibu maswali

Washiriki wakiuliza maswali

Desemba 23 mwaka huu mtalaamu wa masuala ya usalama kwenye mitandao Yusuph Kileo aliendesha semina ya usalama mtandaoni iliyofanyika Dar es salaam Institute of Technology (DIT) na kuhudhuriwa na wanafunzi mbalimbali wa teknolojia ya habari na mawasiliano toka miongoni mwa vyuo vikuu vya jijini Dar es salaam,ikiratibiwa na DIT.

Katika semina hiyo Kileo alielezea ukuaji wa uhalifu kwenye mtandao unavyoendelea kushamili kwa kasi duniani na unavyoleta athali mbalimbali za kiuchumi,kiusalama na kisiasa huku nchi mbalimbali zikiathilika ikiwemo Tanzania huku ikionekana kuwa nchi zinazoendelea bado hajijajidhatiti barabara katika kujilinda na wahalifu wa kwenye mitandao.

Kileo amewataka wanafunzi waliohudhuria semina hiyo kujifunza zaidi masuala ya usalama kwenye mitandao kwani kuna watalaam wachache katika suala  hilo na amesema kuna haja ya vyuo vinavyotoa elimu ya teknohama nchini kuweka somo la usalama kwenye mtandao katika mitaala yao ambapo amesema wamekubaliana na DIT kuipitia mitaala ya taasis hiyo ili mapema mwakani somo hilo lianze kufundishwa kwenye taasis hiyo.

KASISI AWEKA KIFAA KANISANI KUBANA MAWASILIANO YA SIMU KWA WAUMINI

 

Kasisi mmoja nchini Italia, ameweka kifaa kanisani mwake kinachoweza kubana mawasiliano ya simu baada ya kuchoka kuwaomba waumini kuzima simu zao kila wakati alipokuwa anahubiri.

Alilazimika kuomba idhini ya polisi kuweka kifaa hicho baada ya kuchoka kusikia milio ya simu zikipokea ujumbe.

Mpango huo umesifiwa sana na waumini ingawa imewaudhi wenye maduka katika mji wa Naples wanaosema kifaa hicho kinatatiza masafa na mawasiliano yao na pia kifaa hicho kimeathiri mashine za kutoa pesa.

Wanasema kifaa hicho pia kinatatiza shughuli zao ambapo wateja huagiza bidhaa kupitia simu zao za mkononi.

Kasisi Don alikasirishwa sana na waumini wake kujibu simu zao wakiwa kanisani

Lakini kasisi Don Michele Madonna, anakana kwamba kifaa chake kinatatiza shughuli za wenye maduka akisema kinaathiri tu mawasiliano kwa simu kwa waumini walio kanisani peke yake.

'Nilinunua kifaa hicho kutoka kwa duka la vifaa vya elektroniki, na kuwauliza polisi ikiwa ilikuwa sawa kuweka kifaa hiicho kanisani mwangu. Ni kifaa kizuri sana kwa sababu kimemaliza tatizo la watu kupigiwa simu na kuzipokea wakiwa kanisani.

Mmiliki mmoja wa maduka alisema: 'Tangu kasisi Madonna kuweka kifaa hicho ndani ya kanisa , nimepata matatizo sana kutumia kadi yangu katika biashara yangu. ''

Kasisi Michele Madonna aliamua kuchukua msimamo huo kwa sababu waumini walikuwa na mazoea ya kutumia simu zao kanisani wakati kasisi huyo akihubiri. Kilichomuudhi zaidi kasisi huyo ni watu kupokea simu kanisani na hata wakati wa mazishi.

Kasisi Don alinunua kifaa hicho kwa dola sitini.

Kabla ya kukinunua kifaa hicho alianza kwa kuwasihi waumini kutotumia simu zao kanisani kwa sababu zilitatiza shughuli zake.

 Alianza kwa kuweka mabango kanisani humo lakini ujumbe huo wengi hawakuuzingatia na hapo ndipo akalazimika kuweka kifaa hicho ambacho kinazuia watu kupokea au hata kutumia simu zao kanisani.

MANISPAA YA KINONDONI YAZINDUA HUDUMA YA BURE YA INTANETI KWENYE KITUO KIPYA CHA DALADALA CHA SINZA

 

Meya wa Manispaa ya Kinondoni, Yussuf Mwenda akibofya kompyuta kuzindua huduma ya WiFi ya bure kwenye Kituo cha Mabasi cha Sinza, wilayani humo, Ijumaa, Desemba 12, 2014

Manispaa ya Kinondoni, jijini Dar es Salaam, imedhihirisha jitihada zake za kwenda na wakati katika masuala ya teknohama, baada ya kuamua kutoa huduma ya bure ya mtandao wa intaneti wa WiFi kwenye Kituo kipya cha Mabasi cha Sinza, jijini Dar es Salaam.

Akizindua huduma hiyo Desemba 12, Meya wa Manispaa ya Kinondoni, Yussuf Mwenda amesema, mtandao wa WiFi umeunganishwa kwenye kituo hicho kupitia mkongo wa mawasiliano kupitia Kampuni ya Simu Tanzania (TTCL).

Mwenda amesema, mtandao huo utakuwepo usiku na mchana na kila mwenye kompyuta au simu zenye uwezo wa kunasa Wi-Fi ataona katika simu au kompyuta yake akitaarifiwa kuwepo mtandao wa bure wa KMC_FREE WiFi.

Alisema, mdau atakachofanya ni kujinga bure na kuendelea kupata taarifa mbalimbali zikiwemo za tovuti ya serikali na ya Manispaa hiyo ya Kinondoni na nyingine zote atakazotaka.

Mwenda amesema, baada ya kuweka mtandao kwenye Kituo hicho, mwakani Manispaa hiyo itaweka mtandao huo wa WiFi kwenye Kata zote 34 za Manispaa hiyo.

Amesema, mradi huo wa WiFi umegharimu sh. milioni 21, na Manispaa hiyo itakuwa ikiendelea kulipia huduma hiyo sh. milioni 2 kila mwezi ambazo itakuwa inalipa kwa mkupuo kwa mwaka. Kuzinduliwa kwa huduma hiyo, kumeifanya Manispaa ya Kinondoni kuwa ya kwanza nchini kote, na pengine hata Afrika Mashiriki, kutoa huduma hiyo bure tena bila kutumia namba ya siri.

Huduma inayofanana na hii hupatikana katika nchi mbalimbali zilizoendelea dunian.
Chanzo:Bongonewstz.com 

RAIA 77 WA UCHINA WASHTAKIWA KENYA KWA TUHUMA ZA UDUKUZI NA ULANGUZI WA FEDHA

 

Polisi nchini Kenya wamewafikisha mahakamani raia 77 wa Uchina kwa kushukiwa kushiriki udukuzi wa mawasiliano na ulanguzi wa fedha.

Washukiwa hao wamewekwa rumande kwa siku tano zaidi ili kutoa nafasi kwa polisi kufanya uchunguzi wa kina.

Wakili wa washukiwa hao anataka waachiliwe kwa dhamana na ombi lake litasikizwa kesho katika mahakama kuu mjii Nairobi.

Washukiwa hao 77 walikamatwa katika nyumba moja kwenye mtaa wa kifahari wa Runda jijini Nairobi Jumatatu na jumatano wiki hii na wanadaiwa kushiriki katika vitendo vya udukuzi na ulanguzi wa fedha.
Upande wa mashtaka uliomba mahakama muda zaidi kuwachunguza washukiwa hao.

Hata hivyo wakili wa washukiwa hao Tom Wachakana aliishawishi mahakama kusikiza ombi lake kutaka washukiwa waachiliwe kwa dhamana.
Wakati maafisa wa polisi walipovamiwa makazi ya washukiwa hao walipata mitambo ya teknolojia ya hali ya juu inayodhaniwa inatumika kufanya ujanja katika mitandao.

Mbali na maafisa wa polisi, wakuu katika wizara za mambo ya nje na habari na mawasiliano walihusishwa katika msakao huo. Afisa katika ubalozi wa Uchina mjini Nairobi ambaye hakutaka kutajwa aliiambia BBC kuwawatashirikiana na serikali ya Kenya inayochunguza asili ya raia hao katika kuangalia stakabadhi zao za usafiri.

Washukiwa hao wamekamwatwa wakati kampuni nyingi za Kichina zimewekeza katika biashara hasa katika sekta ya ujenzi.

Kadhalika serikali ya Kenya imetia saini mikataba mingi na wachina huku baadhi yao wakihusisha katika miradi ya serikali hususan katika taasisi za elimu ya juu.
Chanzo:BBC

WAHALIFU MTANDAO WATEGEMEWA KUELEKEZA NGUVU ZAO BARANI AFRIKA

Mtaalamu wa masuala ya usalama kwenye Mtandao Yusuph Kileo akiwasilisha mada

Itakumbukwa katika mkutano uliofanyika  mapema mwezi huu  jijini "CAIRO" hofu ya ukuwaji wa uhalifu mtandao unaoweza kurudisha nyuma uchumi wa mataifa ya Afrika  ulipata kujadiliwa kwa kina huku nchi ya Misri ikionyesha washiriki wa mkutano huo jitihada inayoendelea nayo katika kukabiliana na uhalifu mtandao.

Imeripotiwa na Mtandao wa "MGAFRICA" kuhusiana na kilichojiri katika mkutano uliokamilika jijini Johannesburg, Afrika kusini wa maswala ya usalama mitandao ambapo Bara la Afrika limetabiriwa kuwa na ukuaji wa uhalifu mtandao kutokana na mikakati dhaifu ya kujiweka salama huku ikiwapatia wahalifu mtandao urahisi mkubwa wa kuleta maafa siku za usoni.

 

Kumeendelea kuwa na wimbi kubwa la uhalifu mitandao ingawa jitihada za kukabiliana na uhalifu huo zimeendelea  kugharimu mataifa mengi hivi sasa. Mataifa yamekua yakiwekeza kwenye maswala ya usalama mitandao lakini bado wahalifu mtandao wameonekana kuendelea kutamba.

Mkutano huo wa maswala ya  usalama mitandao uliangazia kwa karibu  sababu za ukuaji wa uhalifu mtandao na nini kifanyike kwa mataifa ili kuweza kupiga hatua ya kubaki salama kimtandao. Wataalam wa maswala Mtandao kutoka katika mataifa mbali mbali walikutana  kuyajadili mambo hayo yafuatayo:-

Swala la kukuza uwelewa kwa watumiaji mtandao kuhusu matumizi salama ya mitandao lilionekana bado ni changamoto katika mataifa mengi. Na njia rafiki za kuhakiki kampeni hii ya kuhamasisha umma juu ya matumizi salama ilipelekea mambo mengi kuangaziwa macho huku "TOVUTI" maalum kwa ajili ya uelewa wa matumizi salama mitandao ikipata kuzinduliwa.

Sheria nazo zilionekana kuwa changamoto kubwa sana barani Afrika. Kumekua na kusua sua sana kwa sheria mitandao kuanza kufanyiwa kazi huku Wataalam kutoka katika vyombo vya sheria (Mahakama) wakionyesha hali wanayokumbana nayo katika kutolea maamuzi dhidi ya uhalifu mtandao.

Tulipata kufafanua na kueleza usalama mitandao haunabudi kwenda sambamba na sheria zake maalum zinazopaswa kupitiwa mara kwa mara na kuborehwa ili kuendana na wakati. Bila kufanya hivyo hali ya wahalifu mtandao kufanya matukio na kutopatiwa adhabu stahiki itaendelea kuchangia ukuaji wa uhalifu huu.

Swala la Uhaba wa wataalam nalo halikubaki nyuma. Mjadala mkubwa uliangazia jitihada mbali mbali za mataifa zinazofanywa ili kuweza kuwa na wataalam wakutosha wenye uwezo sahihi wa kujua namna ya kudhibiti, kukabiliana na kuzuia uhalifu mtandao.

Ushirikiano katika maswala ya usalama mitandao kuanzia ngazi ya kitaifa kibara na kimataifa ilionekana bado ni changamoto kubwa sana ambayo bado ku safari ndefu kuhakiki tunafikia malengo. Njia rafiki ya kuhakiki tunakua na utamaduni wa kushirikiana kuanzia ngazi ya taifa moja moja kabla ya kuvuka mipaka ilisisitizwa kufanyiwa kazi ili kurahisisha vita dhidi ya uhalifu mtandao.

Wataalam mbali mbali walipata fursa ya kuonyesha kwa vitendo gunduzi mpya za kisasa zenye kurahisisha uwezo wa kubaini, kuzuia na kukabiliana na uhalifu mtandao ambapo kila gunduzi ilipata kujadiliwa kwa kina ili kuweza kuleta tija dhidi ya mapambano na uhalifu mtandao.

Mataifa na vikundi mbali mbali pia vilipata fursa ya kuonyesha takwimu mbali mbali za maswala ya uhalifu mtandao na njia mbazo mataifa hayo yameendelea kukabiliana na wimbi kubwa la wahalifu mtandao. Mjadala mkubwa katika kuzikosoa na kurekebisha jitihada hizo ulipata kuonekana wenye malengo madhubuti ya kuwa na bara salama kimtandao.

Paliangaziwa pia vifaa mbali mbali vya kiusalama mitandao ambapo vimeendelea kutumika ipasavyo kuhakiki uhalifu mtandao unakabiliwa ipasavyo. Huku pakitolewa baadhi ya vifaa hivyo kwa washiriki ili kuweza kuongeza tija kwenye mapambano dhidi ya uhalifu mtandao katika mataifa mbalimbali barani Afrika.

Na Yusuph Kileo

SERIKALI YA TANZANIA YATAKIWA KUIMARISHA KITENGO CHA KUKABILIANA NA WAHALIFU KUPITIA MITANDAO

Serikali nchini Tanzania  imetakiwa kuimarisha kitengo cha upelelezi na ufatiliaji wa makosa jinai yanayofanywa kupitia mitandao ya simu za mkononi na intaneti.

Rai hiyo imetolewa na wamiliki, wafanya kazi  na mawakala  wa makampuni ya kutuma na kusafirisha fedha  jijini mwanza yaani tigo pesa, M pesa, airtel money,  na mashirika  mengine ambapo wameiomba serikali kuunda  kamati ya upelelezi na wataalamu wa  kuchunguza mienendo ya watu wanao tumia simu za mkononi na intaneti kutapeli wananchi mamillioni ya pesa.

Mmoja kati ya wafanyakazi wa makampuni hayo Iyuko Kiyumba amesema kuwa  vituo vingi vya polisi jijini Mwanza havina  wapelelezi wala  wajuzi wanao weza kufuatilia  ipasavyo wezi wanao tumia njia za mitando  hivyo watuhumiwa wanapo kamatwa huachwa huru baada  ya kutoa ushahidi na mahakama kukosa nguvu ya kuwatia hatiani watu hawa. 

Taarifa zilizotolewa na wamiliki wa makampuni hayo zimedai kuwa baadhi ya wezi  wamesajili laini hizo kwa majina ya viongozi wa serikali  ambapo huzitumia kuwaibia maafisa wakubwa wa ngazi za juu na wananchi mbalimbali kwa kutumia njia za kimtandao.